ജലനിധിയെ കുറിച്ച്
എളവള്ളി ജലനിധി – ഒരു പരിചയം
എളവള്ളി ഗ്രാമപഞ്ചായത്തിലെ ജനങ്ങൾക്ക് ഗുണമേന്മയുള്ള കുടിവെള്ളം ലഭ്യമാക്കുന്നതിനായി ജനപങ്കാളിത്തത്തോടെയും സാമൂഹിക ഉത്തരവാദിത്വത്തോടെയും പ്രവർത്തിക്കുന്ന പ്രധാന സംവിധാനങ്ങളിലൊന്നാണ് ജലനിധി.
ജലസ്രോതസ്സുകളുടെ സംരക്ഷണം, കുടിവെള്ള ലഭ്യത, ജലവിതരണ സംവിധാനം, പരിപാലനം, ഗുണഭോക്തൃ പങ്കാളിത്തം എന്നിവയ്ക്ക് പ്രാധാന്യം നൽകി സുസ്ഥിരമായ കുടിവെള്ള സേവനം ഉറപ്പാക്കുകയാണ് പദ്ധതിയുടെ പ്രധാന ലക്ഷ്യം.
എളവള്ളി പഞ്ചായത്തിലെ ശുദ്ധജലക്ഷാമം പരിഹരിക്കുന്നതിനായി 63 ഗുണഭോക്തൃസമിതികൾ ചേർന്നുകൊണ്ട് എളവള്ളി ജലനിധി ശുദ്ധജലവിതരണ സമിതി എന്ന പേരിൽ ബൃഹത് പദ്ധതി നടപ്പിലാക്കുന്നുണ്ട്. പദ്ധതിയുടെ 75% ചെലവ് ജലനിധിയും 15% പഞ്ചായത്തും, 10% ഗുണഭോക്താക്കളും വഹിക്കുന്നു. പദ്ധതി കമ്മീഷൻ ചെയ്ത് കഴിഞ്ഞാൽ തുടർനടത്തിപ്പും പരിപാലനവും സമിതി നടത്തിക്കൊള്ളുന്നു. ഇതിന്റെ ചെലവ് വെള്ളക്കരം വഴി ഗുണഭോക്താക്കളിൽ നിന്നും പിരിച്ചെടുക്കുന്നു.
