പൊതു അറിയിപ്പുകള്‍
എളവള്ളി ഗ്രാമപഞ്ചായത്ത്
പഞ്ചായത്തിന്റെ പൊതു അറിയിപ്പുകൾ
1
വസ്തുനികുതി (കെട്ടിടനികുതി)
വസ്തുനികുതി (കെട്ടിടനികുതി) എല്ലാവർഷവും സെപ്റ്റംബർ 30 ന് മുമ്പായി പഞ്ചായത്തിൽ അടച്ച് രശീതി കൈപ്പറ്റേണ്ടതാണ്. ഒക്ടോബർ 1 മുതൽ പലിശ ഈടാക്കുന്നതാണ്.
നിശ്ചിത സമയപരിധിക്കുള്ളിൽ നികുതി അടയ്ക്കാത്ത പക്ഷം പലിശ ഈടാക്കുന്നതാണ്. അതിനാൽ എല്ലാ കെട്ടിട ഉടമകളും സമയബന്ധിതമായി നികുതി അടച്ച് രശീതി കൈപ്പറ്റേണ്ടതാണ്.
2
വ്യാപാര സ്ഥാപനങ്ങളുടെ ലൈസൻസ്
പഞ്ചായത്തിലെ എല്ലാ വ്യാപാരസ്ഥാപനങ്ങളും എല്ലാ വർഷവും മാർച്ച് 31 ന് മുമ്പ് ലൈസൻസ് പുതുക്കേണ്ടതാണ്.
ലൈസൻസ് പുതുക്കാതെ വ്യാപാരം നടത്തുന്നത് നിയമാനുസൃത നടപടികൾക്ക് വിധേയമാകാം. എല്ലാ വ്യാപാര സ്ഥാപന ഉടമകളും നിശ്ചിത സമയത്തിനുള്ളിൽ ലൈസൻസ് പുതുക്കേണ്ടതാണ്.
3
റോഡും പരിസരവും വൃത്തിയായി സൂക്ഷിക്കുക
റോഡുകളും പൊതുസ്ഥലങ്ങളും വീടുകളുടെയും സ്ഥാപനങ്ങളുടെയും പരിസരങ്ങളും വൃത്തിയായി സൂക്ഷിക്കേണ്ടതാണ്.
പൊതുസ്ഥലങ്ങളിൽ മാലിന്യം വലിച്ചെറിയുകയോ പരിസരം മലിനപ്പെടുത്തുകയോ ചെയ്യരുത്. പഞ്ചായത്തിന്റെ ശുചിത്വ പ്രവർത്തനങ്ങളുമായി എല്ലാവരും സഹകരിക്കേണ്ടതാണ്.
4
എല്ലാ നിർമ്മാണ പ്രവർത്തനങ്ങൾക്കും മുൻകൂർ അനുമതി
എല്ലാ വിധ നിർമ്മാണ പ്രവർത്തനങ്ങൾക്കും പഞ്ചായത്തിന്റെ മുൻകൂട്ടിയുള്ള അനുമതി ആവശ്യമാണ്.
കെട്ടിട നിർമ്മാണം, കൂട്ടിച്ചേർക്കൽ, വിപുലീകരണം, പുനർനിർമ്മാണം തുടങ്ങിയ പ്രവർത്തനങ്ങൾ ആരംഭിക്കുന്നതിന് മുമ്പായി ആവശ്യമായ രേഖകൾ സഹിതം പഞ്ചായത്തിൽ അപേക്ഷ സമർപ്പിച്ച് നിയമാനുസൃത അനുമതി നേടിയിരിക്കേണ്ടതാണ്.
5
പ്ലാസ്റ്റിക് ക്യാരി ബാഗുകളുടെ നിരോധനം
50 മൈക്രോണിൽ താഴെയുള്ള പ്ലാസ്റ്റിക് ക്യാരി ബാഗുകൾ നിരോധിച്ചിരിക്കുന്നു.
പരിസ്ഥിതി സംരക്ഷണത്തിന്റെയും മാലിന്യ നിയന്ത്രണത്തിന്റെയും ഭാഗമായി നിരോധിത പ്ലാസ്റ്റിക് വസ്തുക്കളുടെ ഉപയോഗം ഒഴിവാക്കി പരിസ്ഥിതി സൗഹൃദ വസ്തുക്കൾ ഉപയോഗിക്കണമെന്ന് പൊതുജനങ്ങളോട് അഭ്യർത്ഥിക്കുന്നു.
6
വിദ്യാലയങ്ങളുടെ പരിസരത്ത് പുകയില നിരോധനം
വിദ്യാലയങ്ങളുടെ 400 മീറ്റർ ചുറ്റളവിൽ പുകയിലയുമായി ബന്ധപ്പെട്ട വസ്തുക്കളുടെ വ്യാപാരം നിരോധിച്ചിരിക്കുന്നു.
വിദ്യാർത്ഥികളുടെ ആരോഗ്യവും സുരക്ഷയും സംരക്ഷിക്കുന്നതിനായി വിദ്യാലയ പരിസരങ്ങളിൽ പുകയില ഉൽപ്പന്നങ്ങളുടെ വിൽപ്പനയും പ്രചാരണവും അനുവദനീയമല്ല. നിയമലംഘനം ശ്രദ്ധയിൽപ്പെട്ടാൽ നിയമാനുസൃത നടപടി സ്വീകരിക്കുന്നതാണ്.
7
600 ചതുരശ്ര അടിയിൽ താഴെയുള്ള വീടുകൾക്ക് നികുതി ഇളവ്
600 ചതുരശ്ര അടിയിൽ താഴെയുള്ളതും സ്വന്തം താമസത്തിനുള്ളതുമായ ഒരു വീടിന് മാത്രം നികുതി ഇളവ് അനുവദിക്കുന്നതായിരിക്കും.
നികുതി ഇളവിന് അർഹതയുള്ള കെട്ടിടങ്ങളുടെ വിസ്തീർണ്ണവും ഉപയോഗവും പരിശോധിച്ച ശേഷമായിരിക്കും ഇളവ് അനുവദിക്കുക.
8
പൊതു ടാപ്പുകളിൽ നിന്നുള്ള ജല ഉപയോഗം
പഞ്ചായത്തിന്റെ പൊതു ടാപ്പുകളിൽ നിന്നും ഗാർഹിക ആവശ്യത്തിന് ഒഴികെയുള്ള ജല ഉപയോഗം ശിക്ഷാർഹമാണ്.
പൊതുടാപ്പുകളിൽ നിന്ന് പൈപ്പ് ലൈൻ വഴി ജലം ദുരുപയോഗം നടത്തുന്നത് ശ്രദ്ധയിൽപ്പെട്ടാൽ പ്രസ്തുത ടാപ്പ് ഉടൻ നീർത്തലാക്കി നിയമാനുസൃത നടപടി സ്വീകരിക്കുന്നതാണ്.
പൊതുജനങ്ങളുടെ ആവശ്യത്തിനായി സ്ഥാപിച്ചിട്ടുള്ള പൊതു ജലസ്രോതസ്സുകൾ ഉത്തരവാദിത്വത്തോടെ ഉപയോഗിക്കുകയും ജലദുരുപയോഗം ഒഴിവാക്കുകയും ചെയ്യണമെന്ന് അഭ്യർത്ഥിക്കുന്നു.
9
മാലിന്യ നിക്ഷേപം
പൊതുസ്ഥലങ്ങളിലും റോഡരികുകളിലും ജലസ്രോതസ്സുകൾക്ക് സമീപവും മറ്റ് നിരോധിത സ്ഥലങ്ങളിലും മാലിന്യം നിക്ഷേപിക്കാൻ പാടുള്ളതല്ല.
മാലിന്യ നിക്ഷേപം ശ്രദ്ധയിൽപ്പെട്ടാൽ നിയമാനുസൃത നടപടി സ്വീകരിക്കുന്നതാണ്.
പഞ്ചായത്തിന്റെ ശുചിത്വ പ്രവർത്തനങ്ങളുമായി സഹകരിക്കുകയും മാലിന്യങ്ങൾ നിർദ്ദേശിച്ചിട്ടുള്ള രീതിയിൽ മാത്രം സംസ്കരിക്കുകയും ചെയ്യണമെന്ന് പൊതുജനങ്ങളോട് അഭ്യർത്ഥിക്കുന്നു.
